Një nga problemet më të mëdha për personat që nuk kanë një shtrat dhe një çati mbi kokë, me siguri mund të jetë edhe ai i higjienës personale. Dushet publike, në një pjesë të madhe të qyteteve janë tepër të rralla, për të mos thënë që në shumë zona urbane mungojnë tërësisht.
Në San Francisco, një organizatë bamirëse me emrin Lava Mae, e drejtuar nga Doniece Sandoval, ka vendosur t’ju japë një dorë ndihmë personave që kanë qenë me më pak fat në këtë botë, duke shndërruar autobusët e vjetër urbanë që kanë dalë jashtë përdorimit, në dushe të lëvizshme.
Qyteti amerikan, i cili shtrihet në brigjet e oqeanit Paqësor është një nga qytetet më të mëdha amerikane, në të cilin ndodhen rreth 6500 persona të pastrehë dhe që nuk kanë një banesë për të fjetur.
“Dushet mbi rrota me siguri që nuk i zgjidhin problemet e të pastrehëve, por të paktën ju vijnë atyre disi në ndihmë”,- shpjegon Doniece. Qyteti i San Franciscos, i cili ka dhuruar autobusin e parëm duke parë suksesin e kësaj iniciative po vijon të dhurojë mjete të tjera të dala jashtë funksionit. Të shpresojmë që iniciativa do të vijojë të përhapet edhe në qytetet e tjera./tesheshi.com/
