Ajo është munduar të shkrepë fotografinë selfie më të përsosur në botë, por gjithçka ka përunduar në një tragjedi. Anna Krupeynikova, një e re 21-vjeçare është mbështetur në një pjesë shumë të rrezikshme të një ure, për të përjetësuar një nga pamjet me sfondin më të mirë në botë, por gjërat nuk kanë përfunduar ashtu siç ajo kishte planifikuar.
Siç raportohet në Mirror, e reja ka rënë nga njëlartësi prej 12 metrash. Prej pak kohësh ajo ishte diplomuar dhe po festonte ditëlindjen e një mikut të saj, bashkë me moshatarë të tjerë në rethinat e Moskës në Rusi.
Gjatë shëtitjes, Anna ishte larguar paksa dhe kishte hipur në një urë, për të shkrepur foton selfie, por gjatë fotografimit, është rrëzuar prej lartësisë.
“Dëgjuam një zhurmë të fortë”,- kanë treguar shokët e saj, të cilët kanë shtuar “më pas nuk e pamë më Annën”. Me sa duket, vajza kishte pirë lëngje alkoolike përpara se t’i vinte kjo ide, por niveli i alkoolit në trupin e saj nuk ishte shumë i lartë. Policia po heton në vendngjarje, duke qenë se edhe mbrojtja e urës nuk ka qenë shumë e fortë./tesheshi.com/
