Pothuajse gjithmonë, mutacionet gjenetike shkaktojnë probleme shëndetësore. Por në rastin e 53-vjeçarit amerikan, Dean Karnazes, ato e kanë bërë njëfarë super-njeriu.
Karnazes është “viktimë” e një anomalie gjenetike, e cila bën që acidi laktik të nxirren menjëherë jashtë sistemit, duke e lejuar që të vrapojë për një kohë jashtëzakonisht të gjatë pa rrezikuar ndonjë ngërç apo lodhje të madhe muskulore.
Që kur ishte i ri, ka treguar një rezistencë të madhe; gjatë një garë vrapimi në shkollë të mesme ai bëri 105 xhiro, në krahasim me 15 xhiro që ishte mesatarja e shokëve të tij të shkollës. Për disa kohë hoqi dorë nga vrapimi. Por në moshën tridhjetë vjeçare rifilloi. Ka bërë 50 km pa ndier fare lodhje muskulore.
Ai ka thyer rekorde të shumta në maratona të ndryshme garash. Ka bërë 50 maratona në 50 ditë.
Gjithashtu, ka vrapuar 563 km në 80 orë e 44 minuta, pa fjetur fare. /tesheshi.com/
