Siç është bërë e ditur, opozita ka ndërmarrë një aksion politik konkret, siç është mocioni për shkarkimin e Ilir Metës nga kreu i Kuvendit, për të kaluar në dispozicion të hetimeve, pas akuzzave të deputetit Tom Doshi, sipas së cilit prapa një atentati nda tij muaj më parë, ka dorë Ilir Meta. Në tekstin e kërkesës për mocion, ndër të tjera thuhet se “Kryetari i Kuvendit, nuk ka as legjitimitetin dhe as moralin e duhur, që në emër të organit më të lartë vendimmarrës në vend, t’i kërkojë organit të prokurorisë hetimin e çështjes. Nuk mund ta bëjë këtë për shkak se është në kushtet e një konflikti flagrant interesi dhe çdo përpjekje e tij e deritanishme në këtë drejtim, është vetëm një tentativë kriminale për t’i bërë presion organeve të drejtësisë duke shfrytëzuar pozicionin kushtetues, për të penguar hetimin e çështjes dhe zbardhjen e të vërtetës”.
Ditët në vijim, kjo pritet ta nxehë dhe më debatin politik mes palëve.
Ndërkohë që në seancën e së enjtes, deputetë të LSI-së pritet të jenë në kundërsulm për të provuar, sipas tyre, “lojën” e sajuar të deputetit Doshi me atentat ndaj tij./tesheshi.com/
