Një recetë që përgatitet në më pak se 30 minuta dhe ka brenda të gjithë përbërësit që i duhen një vakti të plotë.
Përbërësit për 2 persona:
200 gr makarona
1 qepë të vogël, të kuqe
1 spec të kuq
1 karotë
1 kungull
100 gr bizele të ziera
100 gr proshutë në kubikë
Pak krem qumështi
Djathë parmixhan
Kripë, piper
Vaj ulliri
Përgatitja:
Presim imët dhe skuqim qepën në pak vaj ulliri. Shtojmë karotën e prerë në kubikë të vegjël; më pas, specat dhe kungujt. Pasi të jenë zbutur, shtojmë proshutën dhe bizelet. I lëmë pak bashkë, të marrin nga shija e njëra tjetrës, dhe hedhim kremin e qumështit të cilin e hollojmë me pak nga uji i makaronave. I përziejmë mirë të gjitha dhe hedhim makaronat e kulluara. Rregullojmë shijen me kripë e piper dhe në fund shtojmë pak parmixhan të grirë. /tesheshi.com/
