Në furrë, omeleta nuk do të jetë aq e yndyrshme sa në tigan. Mund t’i shtoni vetëm pak gjalpë, ose një lugë vaj ulliri, dhe do të jetë po aq e shijshme.
Përbërësit për 1 tavë të vogël individuale:
2 vezë
Pak qumësht
Djathë të bardhë
Gjysmë speci
Gjysmë kungulli
Erëza të freskëta, kripë, piper
Proshutë (2-3 feta)
Përgatitja:
Presim në feta specin dhe grijmë në rende kungullin. I hedhim në tavën ku do përgatisim omeletën dhe i marinojmë me pak vaj ulliri, kripë, piper dhe erëzat e njoma. Rrahim vezët, i hollojmë me pak qumësht dhe shtojmë djathin e bardhë të coptuar. Vendosim te perimet proshutën dhe hedhim vezën e rrahur. E pjekim në furrën e parangrohur për rreth 20 minuta. /tesheshi.com/
