Një mënyrë ndryshe se si të gatuani mishin e pulës. Një pjatë e thjeshtë për t’u realizuar, e përshtatshme për të shoqëruar pilafin, patatet apo perimet sipas shijes tuaj.
Përbërësit:
600 gr fileto pule
2 qepë mesatare
1 lugë gjalpë
Pak pana
Kripë
Piper i zi
Përgatitja:
Marrim qepët, i grijmë hollë dhe më pas i kavërdisim në një tigan me gjalpë derisa të marrin një ngjyrë të artë.
Më pas vendosim filetot e pulës, të cilat i kemi rrahur më parë, derisa të skuqen nga të dyja anët.
Pasi kanë marrë një ngjyrë të artë, shtojmë panën, pak kripë, piperin e zi dhe i lëmë në zjarr derisa filetot të kenë thithur lëngun e tyre bashkë me panën. I trazojmë dhe ulim temperaturën.
Sipas dëshirës mund të shtojmë edhe pak ujë, duke zgjatur kështu kohën e përgatitjes së tyre.
Shërbehen të ngrohta./tesheshi.com/
