Presidenti Thaçi ka bërë publik një detaj që dukshëm është një përpjekje për t’u avantazhuar jo vetëm politikisht ndaj njeriut që në fakt u njoh para tij: Albin Kurti.
Gjatë një rrëfimi në emisionin “Personale” në RTV Dukagjini, Thaçi tha se me Albin Kurtin është takuar për herë të parë në vjeshtën e vitit 1998 në Likoc, kur ky i fundit ishte i shoqëruar nga Adem Demaçi. Dhe aty, në atë takim, i është propozuar angazhimi ushtarakisht në UÇK, por që sipas Thaçit nuk e ka pranuar.
“Disa ushtarë të UÇK-së i ofruan që të radhitet në mesin e Ushtrisë Çlirimtare të Kosovës, por ai tha ‘jo, unë s’jam për pushkë’. Ka refuzuar edhe armën e UÇK-së edhe uniformën e UÇK-së”, thaThaçi, që më pas pohoi dhe faktin se ai, pas arrestimit të Albin Kurtit, bashkë me Rugovën dhe të tjerët kanë udhëtuar jashtë vendit kanë lobuar fortë për të lirimin e tij nga burgu serb.
“Në të gjitha takimet që kemi zhvilluar jashtë vendit kemi lobuar fuqishëm për ta liruar atë nga burgu”, tha Thaçi.
Presidenti kosovar e ka portretizuar kreun e Vetëvendosjes si njeriun që mbjell vrer, mllef dhe agresivitet në skenën politike kosovare.
“Vetëm vrer, mllef, negativitet, dhe mund të them një agresivitet të panevojshëm për skenën politike kosovare”, u shpreh Thaçi.
Për kujtesë e korrektësi në raport me të vërtetën, emri i Albin Kurtit është njohurpara Thaçit si aktivist parapolitik në Kosovë, që në vitet ’80 si student në demostratat e asaj kohe. /tesheshi.com/
