Përbërësit 100 gr gjalpë të shkrirë, 150 gr miell, 100 gr sheqer, një majë luge sodë buke, 2 vezë, 50 gr kos, fruta sipas dëshirës në copa të vogla.
Përgatitja: Përziejmë në një enë të madhe gjalpin e shkrirë me vezët. Në një tas tjetër përziejmë me lugë druri miellin, sheqerin, vaniljen dhe së fundi sodën e hedhur me sitë. E hedhim këtë përzierje te tasi ku kemi përzier gjalpin me vezët, i përziejmë me spatul, shtojmë kosin dhe e përziejmë deri sa të kemi një brumë homogjen.
Vijojmë me frutat, përziejmë edhe pak dhe e hedhim brumin te format për muffins të lyera me gjalpë e miell, por pa i mbushur plotësisht. E kontrollojmë pjekjen me sy./tesheshi.com/
