I ka dhënë theks dramatik avokati i ish-ministrit në burg gjendjes së këtij të fundit, pasi është refuzuar kërkesa e radhës për ndryshim mase sigurie; pra që Koka të kalojë nga qelia në shtëpi.
“Sot ishte kërkesa e dytë për zëvendësimin e masës së sigurimit, ai është në kushte të rënduara shëndetësore.
Gjendja e tij nuk mund të vazhdojë në paraburgim, por gjykata mori edhe rolin e mjekut dhe ekspertëve dhe vendosi të rrëzonte kërkesën. Kemi 9 seanca për një vendimmarrje.
Seanca e radhës është më 7 nëntor. Në këto kushte, do të kërkojmë që çështja të shkojë në gjyq në themel.
I vetmi person që u ndalua në shtëpinë e tij, e priti me qetësi hetimin, por janë më shumë se 10 muaj, në ato kushte ai sot do të ishte i lire”, tha avokati i ish-kreut të Mjedisit, mbi të cilin rëndojnë akuza për abuzime në rastin e Inceneratorëve.
Më tej, ai lëshoi dhe një frazë me spec.
Është i sëmurë, por gjallë dhe do të japë mbrojtjen e tij. Do të dëgjoni fakte dhe argumente që nuk i keni dëgjuar deri tani”. /tesheshi.com/
