Gjyqtari Gjin Gjoni do të jetë një nga gjyqtarët që do të vendosë për ligjshmërinë e afateve të regjistrimit për zgjedhjet e 18 qershorit, si për “inat” të kryeministrit Rama që jo rrallë e ka përmendur me emër si “etalon” të sistemit të Drejtësisë.
Kolegji Zgjedhor hodhi shortin për trupën e gjyqtarëve që do të shqyrtojë ankesën e Partisë Demokratike, kryer nëpërmjet Partisë Agrare për ç’regjistrimin e listave për zgjedhjet e 18 qershorit.
Sipas shortit 5-shja e gjyqtarëve do të jenë Tomor Skreli, Sotiraq Lubonja, Gjin Gjoni, Ridvan Hado dhe Artur Malaj. Ndërsa, relator sipas shortit, u zgjodh Gjin Gjoni.
Partia e Agron Dukës është i vetmi subjekt opozitar i regjistruar në zgjedhje dhe sigla e tij është përdorur për të përfaqësuar opozitën në Kolegjin Zgjedhor, me argumentin se dita e fundit për dorëzimin e listave ishte 28 prilli dhe jo data 29, kur ky veprim u krye nga partitë pjesëmarrëse në zgjedhje. /tesheshi.com/
