Eshtë interesante: kryeminisitri Rama, përveçse në “Kurban”-in e tij të 2011-ës, në asnjë rast nuk ka përmendur apo komentuar dy vuajtjet e tij zgjedhore karshi PD-së, në vitet e të qënit në opozitë; pra post-zgjedhjet e 2009, ato me kredon e famshme të ‘hapjes së kutive”, si dhe të rezultatit të Tiranës në Lokalet e 2011-ës, i cili u ndryshua në tavolinë, e ai, nga fitues doli humbës, duke bërë që Basha t’i zërë vendin në Bashkinë e Tiranës. Por dy vjet më pas, Rama do fitonte qeverisjen e vendit, duke i hapur rrugë dhe rimarrjes së Tiranës në 2015-ën me Erion Veliaj.
Së fundi, pa e lidhur me debatin mbi Zgjedhoren, apo atë të përgjithshmin të pretendimeve të opozitës për zgjedhje të grabitura (në 2017 -ën), referuar disa përgjimeve, Rama ka përmendur, ndonëse tangentalisht, mandatin që iu morr në tavolinë nga Arben Ristani, kur ky i fundit ishte në rolin e kreut të KQZ-së.
Duke promovuar landfillinin e ri të Sharrës në Tiranë, Rama shkroi:
“Sharra pra Sharra, ajo e akuzave monstruoze për koncesionin e dhënë nga ‘qeveria e krimit që’, medemek, ‘paguante miliona të cilat shkonin në xhepat e oligarkëve’ a ju kujtohet?
Kur erdhëm në qeveri vendosëm t’i japim fund asaj zone kanceroze në mes të kryeqytetit, që ishte një nga turpet më të mëdha të keqqeverisjes çerekshekullore! Sapo fituam mbrapsht edhe Bashkinë e grabitur të Tiranës, nisëm punën për të shpëtuar Tiranën nga Sharra dhe Sharrën nga ferri i plehrave të kryeqytetit të Shqipërisë…
Ju lutem shikojeni Sharrën sot..”.
Kujtojmë se pas kalimit të fitores nga Rama te Basha, Arben Ristani, edhe pse deri atëherë pa angazhime politike të drejtpërdrejta, do bëhej dy vjet më pas deputet i PD-së. Ai arriti madje të bëhet dhe Sekretar i Përgjithshëm i selisë blu, për t’u mënjanuar dalëngadalë si emër pas 2017-ës, aq sa sot është në të harruar si faktor politik. /tesheshi.com/
