Hyperloop-i britanik i miliarderit britanik Richard Branson kreu udhëtimin e parë të pasagjerëve në një sistem kapsulë levize super të shpejtë, tha kompania.
Ky është një test kyç i sigurisë për teknologjinë që mund të ndryshojë transportin e njerëzve dhe mallrave në të ardhmen, raporton Reuters.
Pamjet e publikuara tregojnë drejtuesit e Virgin Hyperloop, Josh Giegel, shefi i teknologjisë dhe Sara Luchian, drejtoresha e përvojës së udhëtimit, të ulur në një kapsulë që kaloi nëpër një tub vakumi me 172 kilometra në orë në vendin e provës të kompanisë DevLoop në Las Vegas.
Nga New York në Washington, në 30 minuta
Në një sistem hyperloop, i cili përdor levitacionin magnetik për të siguruar një udhëtim pothuajse pa zhurmë, udhëtimi nga Nju Jorku në Uashington do të zgjaste vetëm 30 minuta.
Kjo do të ishte dy herë më e shpejtë se një fluturim komercial me aeroplan dhe katër herë më e shpejtë se udhëtimi me tren me shpejtësi të lartë.
Virgin Hyperloop më parë kishte kryer 400 teste pa pasagjerë në Nevada.
Kompania dëshiron të përfundojë çertifikimin e sigurisë deri në vitin 2025 dhe planifikon të fillojë operacionet tregtare deri në vitin 2030. /tesheshi.com/
