Shtatzënia, në pjesën më të madhe të rasteve, është një moment i shumëpritur dhe i dëshiruar, e për pasojë, për çdo femër konsiderohet si një moment shumë i rëndësishëm. Për të pasur qetësi dhe siguri gjatë shtatzënisë, është e nevojshme të ndiqni disa këshilla të rëndësishme.
E para është të njoftoni mjekun se ju janë ndërprerë menstruacionet dhe se vetë ai/ajo duhet t’ju bëjë një kontroll për të dalluar gjendjen në të cilin ndodhet fetusi juaj.
Pasi të keni folur me mjekun, në rast se në familjen e çiftit ka ndonjë lloj sëmundje të trashëgueshme gjenetikisht, duhet të merrni masat e nevojshme që fetusi të lindë i fortë. Këtë mund ta bëni vetëm pasi të identifikoni sëmundjen dhe njëkohësisht edhe gjendjen shëndetësore të nënës.
Një tjetër pikë shumë e rëndësishme është të kryeni në mënyrë të rregullt të gjitha ekografitë. Shikoni me vëmendje morfologjinë e fëmijës, e cila dallohet mes javës 20 dhe 22 të shtatzënisë, në mënyrë që të keni idenë e zhvillimit të organeve të brendshme. Kështu mund të parandaloni çdo rrezik që fëmija të lindë me deformime apo probleme të tjera shëndetësore.
Në fund, të gjitha nënave që janë në pritjen e ëmbël iu këshillohet të ushqehen shëndetshëm, të mos konsumojnë alkool, droga, duhan, të cilat i shkaktojnë dëme të mëdha fetusit./tesheshi.com/
