Presidenti turk foli së fundi në një aktivitet të Shërbimit Informativ Kombëtar të vendit të tij (MIT) dhe deklaroi gatishmërinë e Turqisë “për të mbrojtur Atdheun Blu nga Egje në Mesdhe dhe Mesdheun Lindor”.
“Ne nuk sillemi si dikur, duke menduar se çfarë thonë të tjerët. Ne përcaktojmë politikat tona rreth Turqisë. Ne përpiqemi ta bëjmë këtë pavarësisht se çfarë thotë dikush. Ne mbrojmë interesat e vendit tonë si diplomatikisht ashtu edhe ushtarakisht. Aktivitetet tona janë një shembull i kësaj. Çlirimi i Karabakut me vëllezërit tanë nga Azerbajxhani është një prej tyre”, tha fillimisht Erdogan
“Vullneti ynë për të mbrojtur Atdheun Blu nga Egje në Detin e Zi dhe Mesdheun Lindor është një prej tyre. Arritjet e vendit tonë nuk ishin të rastësishme. Ushtria jonë dhe punët e jashtme, veçanërisht MİT, kanë shumë punë dhe përpjekje”, shtoi ai gjatë fjalës së tij.
Erdogan iu kthye sërish Izraelit, duke iu referuar arrestimeve të fundit të shpallura nga autoritetet turke të anëtarëve të një rrjeti spiunazhi që vepronte për Mossad. “Nuk e keni parë akoma Turqinë”, tha presidenti turk me një ton intensiv.
“Qëndrimi i prerë i Turqisë për çështjet rajonale, veçanërisht për masakrat në Gaza, shqetëson disa. MIT-i ynë, duke ekspozuar agjentët e Izraelit në vendin tonë, i befasoi ata. Ky ishte vetëm hapi i parë. Nuk e keni parë akoma Turqinë”, tha ai.
Duke iu referuar luftës Rusi-Ukrainë, Erdogan komentoi se “gurët e botës janë zhvendosur”, duke theksuar se në këtë epokë të re gjeopolitika është bërë më e rëndësishme dhe ndryshime rrënjësore kanë ndodhur në konceptin e sigurisë.
“Turqia është një nga vendet që i njohu këto rreziqe shumë herët dhe filloi të investojë në aftësinë e saj mbrojtëse shumë herët,” tha ai, duke vënë në dukje se industria e mbrojtjes e Turqisë, e cila dikur ishte 80 për qind e varur nga importi, tani është bërë sektori i eksportit me vlerën më të lartë të shtuar.
Sipas Erdogan, “Turqia po forcon dita ditës pozitën e saj si fuqi influencuese dhe lojtare në tabelën botërore të shahut. Turqia e fortë në tavolinë dhe në fushë po bëhet realitet me të gjithë elementët e saj. Ata që ndjekin hapat që bën vendi ynë dhe ata që krahasojnë Turqinë e para 2002 me Turqinë e sotme tashmë e shohin shumë mirë ndryshimin”.
Në vijim, ai theksoi gjithashtu se në kundërshtim me pretendimet e disave, nuk ka pasur një zhvendosje në boshtin e Turqisë sonë, “përkundrazi, pas një kërkimi të gjatë vendi ynë gjeti aksin kryesor. Emri i këtij aksi është aksi i Turqisë”. /tesheshi.com/
