Presidenti i ri amerikan ka zgjedhur të flasë për 100 ditët e tij të para në Shtëpinë e Bardhë në një tubim në Pensilvani, të ngjashëm me ato të fushatës elektorale.
Ndryshe nga opinioni i kritikëve të tij, këto 100 ditë kanë qenë sipas Trump-it një udhëtim i pabesueshëm. Ashtu siç kishte deklaruar dhe një ditë më parë, se, “Askush nuk ka bërë atë që ne kemi qenë në gjendje të bëjmë në 100 ditë.”
Për mbështetësit në Pensilvani, Donald Trump ka deklaruar se po i mbante premtimet në radhë, duke i përshkruar këto 100 ditë si mjaft produktive.
Përndryshe, përgjigjja e tij për kritikat e vazhdueshme gjatë kësaj periudhe ka qenë përmes cilësimit të tyre si “lajme të rreme”.
“Organe mediatike si CNN-i dhe MSNBC-ja janë fake news…,” do të thoshte Trump.
Si i pari president në 36 vite që i ikën një tradite të organizimit të një banketi me pjesëtarët e organeve të shtypit dhe me emra të njohur të Hollivudit, Trump do të shprehej se ishte i entuziazmuar që gjendej larg Uashingtonit për të folur mbi udhëtimin e madh të 100 ditëve në detyrë. /tesheshi.com/
