Të martën, më 28 korrik, Komisioni Evropian nënshkroi një kontratë me kompaninë farmaceutike Gilead për furnizimin me ilaçin Veklury, i njohur si Remdesivir.
Nga fillimi i gushtit, doza për trajtimin e 30,000 pacientëve me simptoma të rënda të COVID -19 do të jenë në dispozicion të shteteve anëtare dhe Britanisë së Madhe.
Komisioni Evropian deklaron se 63 milion euro janë lënë mënjanë për këto nevoja, dhe se doza e parë e Veklury do të ndihmojë në mbulimin e nevojave në muajt e ardhshëm dhe të sigurojë një shpërndarje të drejtë në nivelin e BE.
Përgatitja e prokurimit të përbashkët
Shtohet se Komisioni po përgatit gjithashtu një prokurim të përbashkët për furnizimin e mëtejshëm, i cili pritet të mbulojë nevoja dhe rezerva shtesë të BE-së nga tetori e tutje.
Në fillim të korrikut, Komisioni dha një licencë të kushtëzuar për tregtimin e Remdesivirit, i cili u bë ilaçi i parë për trajtimin e COVID-19 me licencë në nivelin e Bashkimit Evropian. /tesheshi.com/
