Makaronat me karkaleca dhe kungull janë një pjatë e parë peshku, plotë ngjyra dhe shumë e shijshme, e pasuruar me zaferano, mente dhe fistikë. Kjo pjatë ka shijen delikate të karkalecave dhe kungullit, në harmoni me shijen e fistikëve, elementë që e bëjnë “për të lëpirë gishtat” këtë pjatë. Nëse preferoni, fistikët mund t’i zëvendësoni me bajame.
Përgatitja:
Pastroni karkalecat duke hequr kokën, lëvoren dhe filin e zi. Ndajini mënjanë. Në një tigan nxehni pak vaj dhe pasi të keni prerë kungujt në feta, i vini ata të skuqen për disa minuta me zjarr të shpejtë. Shtoni më pas një gotë ujë të nxehtë, ku më parë keni shkrirë zaferanon. Rregulloni shijen me kripë dhe lërini të ziejnë për disa minuta.
Në frulator përzieni mirë kungujt me disa gjethe mente dhe hidhni sërish kremin e krijuar në tigan. Vendosni më pas makarona të gjata të ziejnë si gjithmonë në ujë të vluar me kripë dhe ndërkohë marinoni karkalecat me vaj dhe limon. Rregulloni sasinë e kripës.
Bashkoni karkalecat dhe fistikët me pastën e kungujve dhe makaronat, pasi ato të ziejnë.
/tesheshi.com/
