Nga Valter Nasufi*
Me punimet të cilat po zhvillohet përgjatë unazës së madhe në Tiranë, jo çdo gjë po shkon mirë, deri projekti i cili po zbatohet nuk po iu përgjigjet dot kërkesave utilitare të banorëve, sidomos atyre të zonës së Selitës . Janë pikërisht ata që po denoncojnë çdo ditë aspekte defektoze të projektit. Unaza vërtet pritet do t’i sjellë frymëmarrje trafikut në Tiranë, por nga ana tjetër, projekti u ka hyrë ne hak shumë banorëve të cilët jetojnë afër zonës, që përpos prishjeve të shumta të banimeve, që nuk janë marrë parasysh ashtu siç duhet, ata edhe nuk janë shpaguar akoma.
Banorët e lagjes së Selitës dolën dje në protestë për të drejtën e tyre, në kërkimin të një mbikalimi ose nënkalimi, i cili do mundësonte të lidhte me pjesën e tjetër të qytetit, ashtu siç ishte në fillim, me rrugën “Irfan Tomini” në Tiranën e re, e cila ka dalje në lumin e Lanës. Nuk është hera e parë që banorët dalin në protestë, Ato dolën edhe kur filluan punimet, që kur morën vesh se kjo rrugë lidhëse do bllokohej. Por askush nuk i dëgjoi, as bashkia, as deputeti i zonës, pra, asnjë nuk donin të ngarkoheshin me përgjegjësi, secili ia drejtonte gishtin tjetrin dhe faji siç thotë edhe populli mbeti jetim. Po ashtu, një banor i lagjes edhe atëherë edhe sot ka mbledhur me qindra nënshkrime për peticion që Bashkia e Tiranë të rishikoj projektin dhe të verifikoj këtë çështje. Por, për fat të keq, e gjitha kjo ra në vesh të shurdhër, dhe nuk u morën fare parasysh.
Që kur u bllokua rruga “Murteze Zeneli”, e cila lidhte lagjen e Selitës me pjesën e Tiranës së Re, Selitës iu ndërpre arteria kryesore e komunikimit me pjesën tjetër të qytetit. Si të thuash mbeti e bllokuar thuajse tërësisht nga mbyllja e kësaj rruge që kishte dalje te pallatet parafabrikate të rrugës “IrfanTomini”. Shqetësimi i banorëve është tepër i madh dhe shumë natyral, të cilët me të drejtë kërkojnë që të paktën t’iu ndërtohet një mbi kalimit për këmbësor, sepse iu janë ndërprerë të gjitha shtigjet në mënyrë që të vazhdojnë aktivitet të cilat i kishin më parë. Ngase thuajse çdo gjë, çdo komunikim i mëparshëm bëhej nëpërmjet kësaj rruge. Kopshtet, çerdhet, qyqanet e ndryshme, supermarketet, furrat e bukës, lokalet, sa që edhe një pjesë e madhe e banorëve nuk kanë ku t’i hedhin edhe plehrat, imagjinoni se çfarë katastrofe është krijuar, kjo vetëm për shkak të bllokimit të kësaj rruge.
Është pak a shumë si rasti me mbikalimin e Durrësit, ku dhe atje banorët edhe atje organizuan një protestë. Por rasti i Selitës është edhe më i rëndë, sepse atje mbikalimi ishte përfshirë në projekt, ndërsa në Selitë jo. Megjithëse ata nuk kishin mbikalim me arsyetim se do ndërtohej i riu, prapëseprapë kalonin nga ana tjetër e rrugës, ndërsa në rastin e Selitës, as që bëhet fjalë një gjë të tillë. Duhet bërë rreth 2 kilometra rrugë për të dalë nga ana tjetër.
Pra, mbikalimi, apo nënkalimi në projekt nuk është përfshirë fare, as që kanë menduar një gjë të tillë, as që e kanë prishur terezinë për banorët e lagjes se Selitës; pra thënë shkurt, kërrkush nga institucionet përkatëse nuk është interesuar, apo nuk ka pyetur dhe nuk ka biseduar me banorët. Në rastin konkret,faji kryesor i shkon drejtpërdrejt Bashkisë së Tiranës, e cila nuk është treguar fare e përgjegjshme për banorët e kësaj zone, dhe as që kanë vënë ujin në zjarr se çfarë mund t’i ndodhë komunitetit të Selitës nëse e bllokojnë këtë rrugë. Në vendet e zhvilluara perëndimore, nuk i bllokojnë rrugët, por përkundrazi i ndërtojnë të tjera, dhe në çdo ndërtim të ri, ndërtojnë në çdo 150-200 metra ura, mbikalime dhe nën kalime, në mënyrë që banorët ta kenësa më të lehtë qarkullimin, si me makina ashtu edhe në këmbë
Fëmijët e lagjes së Selitës, sot jo vetëm që rrezikojnë jetët e tyre kur kalojnë midis punimeve, por edhe kur të përfundojnë ato, ata do ta kenë shumë të vështirë të shkojnë në shkollë, kopshte etj, sepse do iu zgjatet tmerrësisht rruga, cila më parë ishte shumë e shkurtër, Prandaj, qytetarët kërkojnë të drejtën e tyre që deri tani nuk iu është dhënë. Ata nuk duan një rrugë të re, por duan që rruga e tyre e vjetër të jetë funksionale ashtu si më parë.
Edhe unë si qytetar i kësaj lagjeje, kërkoj nga Bashkia e Tiranës, dhe nga kryetari i saj ErionVelisë, të marrë masa dhe të shohë këtëçështje shumë seriozisht. Të gjithë duan Unazën e Madhe, por jo të bllokoj rrugët e vjetra ekzistuese, dhe aktivitetin e komunitetit. Sepse, ashtu siç dihet Selita është një zonë shumë të madhe. Kështu që, nëradhë të parë jemi njerëz, dhe duhet të sillemi si të tillë. /tesheshi.com/
*banor i lagjes
