Pjata e mëposhtme konsumohet e ftohtë dhe mund të jetë një antipastë, në rast se shtroni tryeza për miq të ftuar, por mund të jetë edhe një pjatë unike, nëse jeni vetëm për darkë dhe doni të hani një gjë të shijshme.
Përbërësit për 4 persona:
- 500g patate
- 300g brokoli
- 250g proshutë Cotto ose Mortadelle
- 100 g djathë Philadelphia, panë ose salcë kosi
- 6 lugë vaj ulliri
- 4 lugë pate ullinjsh
- kokrra ullinj pa bërthamë për dekorim
Përgatitja:
1.Ziejmë me avull (mundësisht) ose në tenxhere me ujë, brokoli dhe patatet veç e veç.
2.Grijmë me grirësin e frutave ose në mikser proshutën, shtojmë djathin dhe e përziejmë mirë sa të bëhet krem homogjen.
3.Me pirun shtypim mirë patatet sa të bëhen si pure. I rregullojmë për kripë e piper dhe i përziejmë me 2 lugë vaj ulliri.
4.Brokolit i grijmë me grirësin e frutave bashkë me 2 lugë vaj ulliri, kripë e piper. Në format e vogla hedhim pak nga patatet dhe e nivelojmë mirë, shtojmë pak brokoli, I nivelojmë dhe këto e së fundmi krijojmë një shtresë me proshutën e grirë. I lëmë në frigorifer për 3 orë. Në momentin që do t’i shërbejmë, i zbukurojmë me pate ullinjsh, me kokrra ullinjsh dhe pak vaj ulliri./tesheshi.com/
