Siç është bërë me dije, Edi Rama pritet të vizitojë së shpejti Shtetet e Bashkuara të Amerikës, ku do të zhvillojë një takim në Shtëpinë e Bardhë.
Burime qeveritare bënë të ditur se kjo dom të ndodhë pas miratimit të reformës në drejtësi, ku Rama është ftuar nga Zv.Presidenti i SHBA, Joe Biden për të diskutuar në lidhje me zbatimin e reformës, që do të thotë operacioni i madh i spastrimit të politikës.
Siç është marrë përsipër nga SHBA faza e parë, edhe kjo fazë pritet që të ketë suportin e Uashingtonit.
Ndërkaq, mësohet se kryeministri shqiptar po bën përpjekje që meqë ndodhet në Shtëpinë e Bardhë të sigurojë edhe audiencë nga Presidenti Barack Obama.
Rama ka kredenciale të forta pranë stafit të presidentit amerikan, ku dihet se George Sorros është eminenca gri e administratave demokrate.
Gjithsesi, vizita e Ramës në Uashington është pjesë e strategjisë së SHBA-së për të inkurajuar Ballkanin të ecë përpara. Një vit më parë ka qenë kryeministri serb Aleksandër Vuçiç i cili dy herë ka vizituar Shtëpinë e Bardhë ku është takuar me Zv.Presidentin Joe Biden.
Ndërkohë këtë vit duhet se “radhën e ka Edi Rama”. Mes axhendave të diskutimit është edhe çështja e muxhahidinëve iralianë që do të strehohen nga Shqipëria pas largimit prej “Kampit të Lirisë” në Irak.
Dita e vizitës së Edi Ramës në Uashington mbahet sekret nga ana e stafit të kryeministrit, por sipas të dhënave ajo do të ndodhë në ditët e para të muajit prill. /tesheshi.com/
