Shtetet e Bashkuara kanë ndryshuar vendimin e tyre për të tërhequr transportuesin e avionëve nga ujërat e Gjirit dhe Pentagoni thotë se për shkak të “kërcënimeve të fundit” nga Irani, “USS Nimitz” do të mbetet në pozicionin e tij.
“USS Nimitz” ka patrulluar në ujërat e Gjirit që nga fundi i nëntorit të vitit të kaluar.
Më 31 dhjetor, Ushtruesi i Detyrës së Sekretarit të Mbrojtjes Christopher Miller urdhëroi ekuipazhin e kësaj anije “të drejtoheshin drejtpërdrejt në shtëpi, në mënyrë që të përfundonin misionin, i cili zgjati gati 10 muaj”.
Duke cituar zyrtarë amerikanë, New York Times raportoi se vendimi ishte pjesë e sinjalizimit të një “de-përshkallëzimi” drejt Teheranit për të shmangur një konflikt gjatë ditëve të fundit të Presidentit të SHBA Donald Trump në Shtëpinë e Bardhë.
Por Miller lëshoi një deklaratë të re të dielën, duke përmendur një ndryshim të situatës.
Protesta në Bagdad dhe qytete të tjera
“Për shkak të kërcënimeve të fundit të bëra nga udhëheqësit iranianë ndaj Presidentit Trump dhe zyrtarëve të tjerë të qeverisë amerikane, unë kam urdhëruar që ‘USS Nimitz’ të pezullojë vendosjen e tij rutinë,” tha deklarata.
“USS Nimitz tani do të mbetet në zonën e operacioneve të Komandës Qendrore të SHBA. Askush nuk duhet të dyshojë në vendosmërinë e Shteteve të Bashkuara”.
Megjithëse ai nuk shpjegoi se çfarë kërcënimesh po i referohej, deklarata u lëshua në përvjetorin e parë të sulmit me dron pranë Bagdadit, kur komandanti i shquar iranian Qassem Soleimani dhe toger i tij iraken Abu Mahdi al-Muhandis u vranë.
Të dielën, mijëra irakianë bërtitën “Hakmarrje” dhe “Jo Amerikës” ndërsa marshuan nëpër kryeqytetin, Bagdad dhe qytete të tjera. /tesheshi.com/
