Sekretari amerikan i Mbrojtjes, Jim Mattis, njoftoi se Pentagoni shumë shpejt mund të përcaktojë shënjestrën e raketave koreanoveriore nëse Peniani vendos të lëshojë një të tillë drejt SHBA-së.
“Nëse ata godasin, mundet shumë shpejt të kemi një luftë”, deklaroi ai, duke shtuar se SHBA do të përpiqet të shkatërrojë çdo objekt kërcënues që i afrohet ishullit të Guam.
Megjithatë, Mattis nuk saktësoi nëse Uashingtoni do të shkatërrojë apo jo një raketë që kalon thjesht pranë Guam, pa kërcënuar drejtpërdrejtë ishullin amerikan që ndodhet në Paqësor.
Koreja e Veriut kërcënoi javën e kaluar se do të lëshojë katër raketa në drejtim të Guam pas një rritjeje të tensioneve verbale mes presidentit amerikan Donald Trump dhe liderit koreanoverior, Kim Jong Un. /tesheshi.com/
