Zëdhënësi i Pentagonit Eric Pahon tha se NATO-ja qëndron për lirinë, demokracinë dhe sigurinë kolektive dhe se vende të tilla si Maqedonia Veriore dhe Mali i Zi, të cilat ndajnë këto vlera, janë një shenjë e suksesit dhe jo e tensionit.
I pyetur nëse dhe në çfarë mase anëtarësimi i Maqedonisë Veriore në NATO mund të rrisë tensionet midis Perëndimit dhe Rusisë, ai, duke iu referuar dhe rastit të Malit të Zi, tha se SHBA është e shqetësuar në lidhje me veprimet e Rusisë, e cila ndërhyn me rrugën euroatlantike që kanë zgjedhur vendet e Ballkanit Perëndimor.
“Maqedonia Veriore do të kontribuojë fuqishëm në misionet e NATO-s, si dhe nismat rajonale për përforcimin e bashkëpunimit dhe sigurisë në Ballkanin Perëndimor. Ndërsa Rusia kërkon nga vende të tilla si Maqedonia Veriore dhe Mali i Zi që të zgjedhin rrugën e tyre nëpërmjet agresionit dhe frikësimit”, tha Pahon.
Zyrtari amerikan thekson se angazhimi i SHBA për Ballkanin Perëndimor ka qenë prej kohësh kokëfortë.
“Kjo është një histori që nuk është theksuar shpesh, ndërsa Rusia është duke bërë gjithçka që ka bërë dhe në të kaluarën për ta reduktuar kontributin tonë”, tha zëdhënësi i Pentagonit.
Në fjalët e tij, SHBA mbetet e angazhuar për sigurinë, stabilitetin dhe prosperitetin në Evropën Juglindore. /tesheshi.com/
