Pentagoni do të paraqesë një gamë të gjerë opsionesh ushtarake tek Presidenti amerikan Donald Trump pasi ai po mendohet si t’i përgjigjet një sulmi ndaj industrisë së naftës të Arabisë Saudite, ku fajtor po konsiderohet Irani.
Ushtria amerikane thuhet se do t’ia paraqesë Trumpit me një listë të synimeve të mundshme të sulmeve ajrore brenda Iranit, mes përgjigjeve të tjera të mundshme, njoftojnë burimet anonime brenda Associated Press.
Zyrtarët thanë se Pentagoni do të paralajmërojë gjithashtu se veprimi ushtarak kundër Iranit mund të përshkallëzohet në një konflikt të armatosur, apo de fakto, në një luftë reale.
Vendim për hakmarrje mund të varet nga çfarë lloj provash që amerikanët dhe hetuesit sauditë janë në gjendje të japin për të mbështetur pretendimet se sulmi i 14 shtatorit ishte nisur nga Irani.
Disa zyrtarë të administratës, përfshirë Sekretarin e Shtetit Mike Pompeo, kanë pohuar se Teherani ishte pas sulmit, dhe se për këtë nuk kanë asnjë dyshim. /tesheshi.com/
