Departamenti i Mbrojtjes i SHBA-së ka bërë të ditur se avionët rusë që kanë fluturuar mbi luftanijen amerikane në Detin Balltik janë paalajmëruar se kanë shkelur ligjin ndërkombëtar dhe sërish kanë vazhduar.
Siç bën të ditur AFP, një zëdhënës i Pentagonit bëri të ditur për mediat, se ka qenë e njëta gjë si me incidentin në Turqi ku Ankaraja u detyrua të rrëzonte avionin pas 10 paralajmërimeve.
Zëdhënësja e Pentagonit, Laura Sil deklaroi se avionët amerikanë që kanë fluturuar në ujat ndërkombëtare, asnjëherë nuk kanë shkaktuar përplasje apo afërsi me mjete ushtarake të vendeve të tjera.
“E gjitha kjo gjë që ndodhi me Su – 24-ën, ishte e padobishme për avionin; por edhe shkaktoi tensione të kota ndërmjet dy vendeve”, tha zëdhënësja e Departamentit Amerikan të Mbrojtjes.
Ajo vazhdoi më pas duke hapur dosjet që duket se Uashingtoni i ka mbajtur të mbyllura për një kohë të gjatë.
“Vetëm vitin e fundit, ka pasur rreth 100 operacione provokative nga avionë rusë, të ngjashëm me atë që ndodhi të enjten e shkuar në ujrat e Detit Balltik, ku dy avionë rus bënë manovra mbi një aeroplanmbajtëse amerikane, duke imituar manovrat e kamikazëve japonezë në kohën e Luftës së Dytë Botërore”, shtoi ajo.
Moska nga ana e saj mohon se bëhet fjalë për një aksion sulmues, por fakt është se e gjithë kjo situatë ka rritur shumë tensionet në rajon dhe Komanda e NATO-s në Europë ka shtuar shumë masat e sigurisë. /tesheshi.com/
