Kryeministri Edi Rama njoftoi pak ditë më parë se për festat e fundvitit pensionistët do të marrin një shpërblim prej 60 mijë lekësh të vjetra, por nuk sqaroi se kur do mund t’i përfitojnë.
Posta Shqiptare bën me dije se në bashkëpunim me Institutin e Sigurimeve Shoqërore do të nisë shpërndarja e lekëve brenda datës 22 dhjetor.
Këtë shpërblim do ta marrin një sërë kategorish pensionistësh, të cilët përbëjnë rreth 643 mijë të moshuar, duke filluar nga ata që u është caktuar pensioni në vitin 1993, pensionet sociale, pensionet e parakohshme e deri te pensionet e plota të pleqërisë.
Do të jetë ISSH-ja, e cila do të dërgojë listat e 643 mijë përfituesve tek Posta Shqiptare dhe më pas pensionistët mund ta tërheqin shpërblimin në zonën ku banojnë.
Ndërkohë personat me aftësi të kufizuar apo familjet me ndihmë ekonomike do të marrim 20 mijë lekë të vjetra./tesheshi.com/
