Koreja e Veriut do të testojë një motorr të ri me performancë shumë të lartë të hedhjes së raketave. Lajmin e ka bërë të ditur media shtetërore e vendit të izoluar komunist, ndërsa udhëheqësi Kim Jong-un e ka quajtur testin “ rilindje” për industrinë e raketave të Koresë së Veriut. Sipas tij, ky motorr do të ndihmojë Korenë e Veriut të arrijë kapacitetet për të lëshuar satelitë të klasit botëror. Ky njoftim i ushtrisë, vjen vetëm disa ditë pasi sekretari Amerikan i Shtetit, Rex Tillerson deklaroi se SHBA e kanë humbur durimin me testet bërthamore të Penianit e se kanë në tryezë edhe mundësinë e ndërhyrjes ushtarake.
Tillerson ndodhet për vizitë në Kinë, të vetmin aleat kryesor në rajon të Penianit. SHBA dhe Kina janë angazhuar të punojnë së bashku për ta bindur Veriun komunist të ndërrojë kurs dhe të heqë dorë nga programet e armatimeve, pasi Tillerson u takua me homologun e tij kinez të shtunën.
Turi i vizitave të Tillerson në Azinë lindore është dominuar më së shumti nga ankthi mbi kapacitetet bërthamore të Koresë së Veriut.
Gjatë viteve të fundit, Koreja e Veriut ka kryer 5 teste bërthamore dhe një seri testesh të raketave balistike. /tesheshi.com/
