Ambasadori i ndjerë rus në OKB, Vitali Çurkin pritet që të nderohet nga Bashkia e Srebrenicës, tani që në krye të saj është vënë një serb i Bosnjës.
Siç bën të ditur B92, Vojin Pavloviç, kreu i një grupimi gjoja të shoqërisë civile e ka propozuar këtë gjë me motivacionin se Çurkin ka ndaluar miratimin e propozimit të Britanisë së Madhe që vrasja massive e makabre e mbi 8 mijë boshnjakëve të mos quhet genocid.
“Çurkin ka ndaluar që të miratohet dhe të fitojë fuqia perëndimore për luftën në Bosnjë dhe ka mbrojtur serbët e Bosnjës”, tha Pavloviç.
Por nëse miratohet, kjo përbën vërtetë një gjest të rëndë dhe totalisht agresiv ndaj viktimave të pafajshme të Srebrenicës.
Qyteti martir që prej verës së shkuar drejtohet nga një koalicion forcash serbe, si pasojë e një procesi të kontestuar dhe në fund të fituar në tavolinë.
Kjo pasi nuk janë numëruar votat e disa fshatrave boshnjakë, të cilët u cilësuan si jo të rregullta.
Ndërkaq, në një fshat serb u ofruan prova të hapura të ndërhyrjes së policisë speciale të Republika Srbska.
Srebrenica është pjesë integrale e Republika Srbska me një status të veçantë por jo me varësi nga Sarajeva. /tesheshi.com/
