Presidenti filipinas, Rodrigo Duterte, ka shprehur keqardhje për deklaratat e tij që detyruan presidentin amerikan, Barack Obama të anulojë takimin dypalësh në Laos.
“Ndërkohë që arsyeja kryesore janë komentet e mia të forta për disa pyetje të medias, ne gjithashtu shprehim keqardhje që kjo u mor si një sulm presonal ndaj presidentit amerikan”, tha ai.
Duerte deklaroi gjithashtu se do të përpiqet të takohet me Obama-n në një ditë tjetër dhe të sheshojë diferencat që vijnë për shkak të prioriteteve dhe perceptimeve kombëtare, si dhe të punojnë së bashku në një mënyrë të përgjegjshme për të dyja vendet”.
Ai theksoi se vazhdon ta vlerësojë alenacën e gjatë të Filipineve me SHBA-në, që ka mbështetur Manilan në problemet e saj territoriale me Pekinin mbi Detin e Kinës Jugore. /tesheshi.com/
