Data e zgjedhjeve të parakohshme parlamentare vitin e ardhshëm nuk duhet të ketë asnjë lidhje me ratifikimin e protokollit të pranimit në NATO, tha Presidenti i Maqedonisë Veriore Stevo Pendarovski.
Asambleja maqedonase duhet të ratifikojë dokumentin kur të miratohet nga të gjitha vendet anëtare të NATO-s, tha ai.
“Dokumenti duhet të ratifikohet pa marrë parasysh se çfarë muaji është. Dita e zgjedhjeve nuk duhet të vihet në dyshim fare për shkak të kësaj”, theksoi Pendarovski gjatë një vizite të tij në Tetovë.
Parlamenti duhet të shpërndahet në 11 shkurt të vitit të ardhshëm, me zgjedhjet e parakohshme parlamentare të planifikuara për 12 prill.
Udhëheqësit e partive politike në Maqedoninë Veriore u takuan në fund të tetorit me iniciativën e Pendarovskit dhe ranë dakord të zhvillojnë zgjedhje të parakohshme parlamentare në prill.
Mundësia e zgjedhjeve të parakohshme u aludua më herët nga kryeministri Zoran Zaev, kur ai kërkoi që maqedonasit të votojnë përsëri në mënyrë që të luftojnë për një mandat të përtërirë për perspektivën evropiane të Maqedonisë Veriore.
E gjithë ky zhvillim, erdhi pas një “Jo”-je shokuese nga hapjes së negociatave, që duhet thënë se Shkupi po e vuan më shumë se Tirana. /tesheshi.com/
