Presidenti i Maqedonisë Veriore Stevo Pendarovski, është vetëquajtur një “optimist i rezervuar ” për atë që vendi i tij do të marrë një datë për negociata me Bashkimin Evropian në samitin e Zagreb në maj 2020.
Ai u tha mediave lokale se nuk kishte marrë ndonjë garanci nga homologu i tij francez Emmanuel Macron se vendimi në samit do të ishte pozitiv, vetëm se një metodologji e re për negociatat, insistuar nga Franca, do të miratohej deri në mars.
“S’mund të jemi të sigurt se kjo do të ndodhë. Ende është një vendim politik”, tha Pendarovski.
“Nuk ka kërkesa të reja, por …”
Pendarovksi tha se nuk ka kërkesa të reja që duhet të përmbushen.
Pas një takimi të fundit me Macron në Paris, Pendarovski tha se presidenti francez kishte të drejtë të ndryshonte procesin për të fituar anëtarësimin në BE.
“Macron kishte të drejtë duke thënë se ai e dëshironte procesin të pakthyeshëm”, tha Pendarovski.
“Të gjithë e dinë se ka vende që janë anëtare të plota të BE-së, por nuk respektojnë standardet më të larta demokratike,” tha Presidenti i Maqedonisë Veriore. /tesheshi.com/
