Presidenti i Maqedonisë Veriore, Steve Pendarovski, u shfaq i ashpër me BE-në, në emër të pakënaqësisë për atë se sa ngadalë vendet e Ballkanit Perëndimor po ecin drejt familjen evropiane, duke theksuar se Evropa duhet të jetë më vendimtare në drejtim të zgjerimit.
Në një intervistë për Radio Televizionin e Malit të Zi, duke iu referuar dhe procesve të Podgoricës në këtë drejtim, Pendarovksi deklaroi:
“Cili është mesazhi për ne që ne nuk kemi filluar akoma për të negociuar? Nëse ju negocioni për shtatë vjet dhe ende nuk ka dritë në fund të tunelit, çfarë mund t’u them qytetarëve të mi në Maqedoni Veriore, sa kohë do të zgjasë kjo, 15 -20 vjet?”, tha Pendarovski
Edhe Maqedonia Veriore dhe Shqipëria ishin në pritje që të hapnin negociatat me BE-në muajin e kaluar, vendimi u shty, për shkak të asaj që përflitet ndarjet në BE rreth çështjes.
Për Presidentin e Maqedonisë Veriore, pas të gjitha mesazheve që vijnë së fundi nga Brukseli, perspektiva evropiane e Ballkanit Perëndimor është e paqartë dhe rruga drejt familjes evropiane është e ngadalshme dhe e pasigurtë.
“Gjithçka që ata kërkuan prej nesh, ne e kemi përmbushur gjithçka, përfshirë kompromise të rënda dhe tani është koha që Evropa të përmbush atë që premtoi”, tha Pendarovski. /tesheshi.com/
