E ardhmja e Ballkanit Perëndimor është në Perëndim, dhe shtoi se ai do të punojë për të forcuar lidhjet mes Bashkimit Evropian, Ballkanit dhe Shteteve të Bashkuara.
Kështu u shpreh zv.Presidenti amerikan Mike Pence në konferencën për shtyp me Kryeministrin e Dushko Makoviç, duke shtuar se vizita e tij në Mal të Zi konfirmon mbështetjen e Shteteve të Bashkuara për rajonin.
“Hyrja e Malit të Zi në NATO është një arritje historike dhe tregues i fuqisë së këtij vendi vetëm dhjetë vjet pas rivendosjes së pavarësisë. NATO përbëhet nga vende të mëdha dhe të vogla, por Shtetet e Bashkuara nuk ka aleatë të vegjël, dhe ne e vlerësojmë aleancën e re të NATO-s.
“Unë besoj se e ardhmja e Ballkanit Perëndimor është në Perëndim, dhe jemi të lumtur që do të punojmë për të forcuar lidhjet midis BE-së, Ballkanit dhe Shteteve të Bashkuara”, tha Pence.
Duke theksuar se ndihet i privilegjuar si zv.Presidenti i parë i cili erdhi në Mal të Zi, Pence përcolli përshëndetjet e Presidentit amerikan, Donald Trump, duke deklaruar se ai kishte dërguar atë në Mal të Zi si një shenjë e aleancës brenda NATO-s.
Pence do të marrë pjesë sot në samitin e Kartës së Adriatikut. Në samitin në Podgoricë, do të marrin pjesë edhe kryeministrat apo presidentët e vendeve të tjera në rajon. /tesheshi.com/
