Shkencëtarët nga laboratori kinez, i cili është objektivi i dyshimeve në Shteteve të Bashkuara, janë trajnuar në Amerikë dhe Francë, theksoi qeveria kineze të enjten, mes polemikave mbi origjinën e virusit të ri koronar.
Është një tezë e diskutueshme se virusi ka origjinën nga laboratori me siguri të lartë P4 në Wuhan, ku u zbulua në fund të vitit të kaluar.
Sekretari i Shtetit Mike Pompeo tha të dielën se kishte “prova të bollshme” për këtë, të cilat Pekini i hodhi poshtë.
“Laboratori P4 në Wuhan është rezultat i bashkëpunimit midis qeverive kineze dhe franceze,” tha zëdhënësja e Ministrisë së Jashtme kineze, Hua Chunying para gazetarëve.
“Dizajni, administrimi dhe ndërtimi i laboratorit u kryen në përputhje me standardet e rrepta ndërkombëtare dhe punonjësit e parë u trajnuan në laboratorët P4 në Shtetet e Bashkuara dhe Francë,” saktësoi ajo.
Sipas saj, laboratori mori konfirmimin zyrtar në 2017 gjatë një ceremonie në prani të kryeministrit të atëhershëm francez, Bernard Cazeneuve.
Ai filloi të punojë në bazë të marrëveshjes midis Kinës dhe Francës që nga viti 2004.
Pajisjet laboratorike u testuan çdo vit nga një palë e tretë, theksoi Hua dhe përsëriti që Pompeo nuk kishte prova që virusi të kishte dalë nga laboratori. /tesheshi.com/
