Pekini do të mbyllë të gjitha shkollat dhe universitetet përsëri, pasi po rishfaqen raste të reja me COVID-19, njoftoi të martën zyra e kryetarit, duke u bërë thirrje banorëve që të mos largoheshin nga qyteti.
Qyteti ka filluar testimin në dhjetëra mijëra banorë pas zbulimit të 106 rasteve të reja të infeksionit të koronavirusit në pesë ditë, të lidhura me një treg të madh të produkteve të freskëta.
Masat e reja janë një shok për njerëzit e Pekinit, sepse para kësaj dukej se virusi ishte zhdukur pothuajse në Kinë, pas karantinës dhe testimit masiv, raporton AFP.
Pekini gjithashtu u ka kërkuar banorëve të shmangin udhëtimet jashtë qytetit që nuk janë të nevojshme dhe ka ndaluar banorët e zonave të prekura në qytet të cilët paraqesin një “rrezik të moderuar ose të lartë” për të lënë kryeqytetin.
“Çdo banor që e ka të domosdoshme të udhëtojë nga Pekini duhet të plotësojë një certifikatë që konfirmon se ai ka dalë negativ në një provë të kryer në shtatë ditët e fundit,” tha Chen Bei nga zyra e kryetarit të bashkisëp.
Autoritetet kohët e fundit kanë lehtësuar kufizimet për të përmirësuar situatën.
Vetëm dy vdekje janë regjistruar që nga mesi i prillit në vendin ku virusi u shfaq në fund të vitit 2019. Sidoqoftë, frika nga vala e dytë i shtyu autoritetet të ndërmarrin veprime.
Qyteti, ndër të tjera masa, mbylli zonat e banimit, d.m.th. në karantinë thuajse 30 prej tyre. Mijëra banorë duhet të qëndrojnë në shtëpitë e tyre dhe nuk kanë të drejtë të dalin.
Ministria e Shëndetësisë raportoi të martën 27 raste të reja në Pekin. /tesheshi.com/
