Në rajonin e Pejës, policia kufitare gjatë patrullimit në këmbë në fshatin Jabllanicë në pjesën që lidhet me Bjeshkën e Sojevës, ka konfiskuar sasi të konsiderueshme të cigareve që ishin ngarkuar në shtatë kuaj.
“Policia ka arritur t’i ndalojë shtatë kuaj të cilët ishin të pa shoqëruar me njerëz. Ngarkesa që bartin kuajt ishte 50 paketa me 25 mijë copë pako cigaresh. Duhani i konfiskuar në bazë të mbishkrimit dyshohet se është prodhim i Serbisë”, thuhet në raportin e policisë.
Policia thotë se lidhur me rastin janë ndërmarrë të gjitha veprimet policore si dhe është njoftuar prokurori dhe dogana e Kosovës.
Siç dihet, që nga paslufta ekziston një linjë kontrabandë mallrash nga Serbia në Kosovë, ku zakonisht shfrytëzohen shtigjet e kodrinave për transport. /tesheshi.com/
