Prokuroria Speciale e Kosovës sot ka pranuar edhe një kallëzim Penal, ku e mbijetuara e dhunës seksuale e luftës, Shyhrete Tahiri-Sylejmani, po kërkon drejtësi për atë që i ka ndodhur 20 vite më parë.
“Sot jam këtu të ndaj me ju dhembjen që kam në shpirt. Përfaqësoj të gjitha nënat, vëllezërit dhe bijat që ndjejnë atë dhembje që kanë. S’është e lehtë. Jam këtu të kërkoj drejtësi”, u shpreh ajo para mediave.
Sipas Qendrës Kosovare Për Rehabilitimin e të Mbijetuarve të Torturës (QKRMT), 20 vjet pas luftës, askush nuk është dënuar për krimet e përdhunimit, ndonëse viktimat me raste kanë identifikuar agresorët me emër dhe mbiemër.
Zonja Tahiri-Sylejmani është personi i dytë, pas Vasfije Krasniqi Goodman, që kërkon publikisht të dënohen dhunuesit e saj. /tesheshi.com/
