Komisioni për Politikën e Jashtme i Parlamentit Europian ka miratuar liberalizimin e vizave për Kosovën. Lajmi është konfirmuar edhe nga raportuesja e PE për Kosovën, Ulrike Lunacek.
“Jam e lumtur për miratimin e propozimit të Kosovës. Tani politikanët kosovarë duhet të veprojnë”, – ka thënë Lunacek.
“Me votën e vet Komiteti i Punëve të Jashtme (AFET) të Parlamentit Evropian sot mori hapin e parë në procedurat e PE dhe është pozicionuar qartë në favor të dhënies së liberalizimit të vizave për qytetarët e Kosovës. Tani topi është në oborrin e parlamentit të Kosovës dhe qeverisë, – ka shkruar Lunaçek në Facebook.
Ajo shton se i vjen keq që nuk ka përparim të mjaftueshëm në lidhje me përmbushjen e dy kritereve të fundit, që janë ajo e ratifikimit të marrëveshjes kufitare me Malin e Zi, e cila është ende në pritje si dhe përparimet që duhen bërë më tej në histori të dënimeve për korrupsionin e nivelit të lartë dhe krimit të organizuar. /tesheshi.com/
