Partia Demokratike ka akuzuar ditën e sotme Kryeministrin Edi Rama se për interesa personale është duk nxjerrë nga banesa e tyre në Sarandë dy ish të përndjekur si dhe vajzën e tyre.
“Prona që Rama vendosi të shpronësojë, jo për interesa publike ishte pretenduar nga shteti rumun, por familja Nesturi e fitoi të drejtën me vendimin e Gjykatës së Lartë”,- tha në emër të PD-së Arben Ristani.
Ai shtoi se nuk ka gjykatë që ndalë vrullin e Edi Ramës, i cili, mesa duket, ia ka premtuar këtë pronë ish-kryeministrit rumun, i cili gjendet në burg për korrupsion.
“Kur Gjykata e Lartë i dha të drejtë familjes Nesturi, Ramës nuk i mbeti rrugë tjetër, veçse tani të bëjë shpronësim për këtë objekt. Vendimi është marrë në shkelje të rëndë të të drejtave themelore të njeriut. I bëj thirrje qeverisë të tërhiqet para këtij akti kriminal kundër dy ish të persekutuarve 80 vjeçarë dhe vajzës së tyre”,- përfundon Ristani./tesheshi.com/
