Ndërsa mandatin e kaluar qeverisës u hodh gaz lotjellës brenda Kuvendit dhe u organizuan protesta të fuqishme kundër Demarkacionit me Malin e Zi, sot PDK dhe AAK të cilat do të formojnë qeverinë e re kanë të njëjtin qëndrim.
Nënkryetari i PDK-së, Enver Hoxhaj, ka konfirmuar sot se partia e tij do ta mbështet çdo vendim të kryeministrit Haradinaj për Demarkacionin.
“Nuk mund t’ju them se cila do të jetë qasja për vijën e kufirit të Kosovës me Malin e Zi dhe qeveria e re do duhej ta adresonte. Por çdo qasje e Haradinajt do të ketë mbështetjen e PDK-së. Kam besim të plotë që Haradinaj, si lider që është, do të dalë me propozim konkret dhe PDK do ta ofrojë një zgjidhje”, ka thënë Hoxhaj.
Haradinaj ka thënë sot se kufiri me Malin e Zi është në Çakorr dhe Kullë, duke treguar kështu se nuk ka ndryshuar qëndrim sa i përket demarkacionit me shtetin fqinj. /tesheshi.com/
