PDK-ja, për herë të parë pas luftës mbetet pa deputet nga Llapi

Në zgjedhjet e fundit PDK-ja ka rënë dukshëm sa i përket numrit të deputetëve. Për herë të parë kjo parti nuk do ta ketë asnjë deputet nga rajoni i Llapit, kjo pasi që kandidatët e saj, Naim Fetahu, Kadri Kastrati, dhe Muhamet Latifi nuk arritën të marrin votat e duhura në zgjedhjet e 11 qershorit.

 
Në mandatin e kaluar komuna e Podujevës u përfaqësua me tre deputetë të PDK-së, Naim Fetahu, Rrustem Mustafa dhe Latif Gashi. Dy të fundit kishin dhënë dorëheqje nga posti i deputetit pasi që Gjykata Themelore i shpalli fajtor për Krime Lufte.PDK-ja në zgjedhjet e 11 qershorit mori vetëm 8042 vota në Llap, duke dal si partia e tretë, pas LDK-së dhe Vetëvendosjes.

 
Në zgjedhjet e përgjithshme të vitit 2014, PDK-ja në Podujevë pati marrë 10.874 vota. Rënia e kësaj partie në këtë komunë, mendohet se ka ndodhur për shkak të mos kandidimit të ish-komandantëve, Latif Gashit dhe Rrustem Mustafës-Remit, por edhe për shkak të koalicionit parazgjedhor me AAK-në dhe NISMA-n./tesheshi.com/