PDIU e Shpëtim Idrizit nuk ka vonuar dhe kërkon “haraçin” e mbështetjes së Muharrem Ramës në Dibër.
Ermal Telha, sekretar i Partisë Drejtësi, Integrim e Unitet tha sot në një intervistë në Report Tv deklaroi se partia e tij ishte vendimtare në rezultaton që po vjen e forcohet.
Telha deklaroi se strukturat e saj në Dibër kanë punuar maksimalisht për fitoren e kandidatit të majtë për bashkinë Dibër, Muharrem Rama.
Duke u ndalur tek lëvizjet e ardhshme të PDIU-së nëse kandidati i majtë fiton zgjedhjet në Dibër, Telha ka thënë se PDIU meriton një post në kabinetin qeverisës, pasi kjo fitore do të tregonte qartë fuqinë e vërtetë të PDIU-së.
Sa i përket rezultatit të zgjedhjeve dhe epërsisë që kandidati i majtë ka ndaj atij të djathtë, Ermal Telha sekretar i PDIU-së ka thënë se ai nuk ishte surprizë dhe se ai është ndikuar në mënyrë të drejtpërdrejtë nga kontributi i PDIU-së.
“Nuk është surprizë rezultati i deritanishëm në Dibër. Ky rezultat është një detaj që tregon forcën e vërtetë të PDIU-së. Nëse Bashkia e Dibrës fitohet nga Muharrem Rama, në e meritojmë një kabinet ministror pasi tregon se PDIU është aleate e fuqishme e ASHE-së” tha Telha.
/tesheshi.com/
