Opozita ka patur një reagim të vonuar ndaj Saimir Tahirit, pas (vet)shpalljes së këtij të fundit si i pafajshëm nga drejtësia italiane. PD i është qasur juridikisht “indulgjencës” së anti-mafias italiane, duke e shpallur atë si të pavlerë.
“Dokumenti që valëviti është i pavlerë për veprimtarinë kriminale në Shqipëri. Kjo veprimtari është zhvilluar në territorin shqiptar dhe nuk mund të hetohet nga Italia”, deklaroi Gazmend Bardhi nga selia blu.
“Hetimi italian është i parëndësishëm dhe nuk ka lidhje FARE me hetimin në Shqipëri. Saimir Tahiri NUK i ka kryer krimet në Itali, por në Shqipëri. Si ministër i Brendshëm, Tahiri akuzohet për lehtësimin dhe mbështetjen shtetërore për trafikun e drogës nga organizata kriminale e Habilajve në Shqipëri”, shtoi zyrtari demokrat. /tesheshi.com/
