U mendua se ishte një zëdhënese e re në PD, por ka rezultuar më tepër një gjetje e re e opozitës për të denoncuar më me shumë varietet e fantazi qeverisjen e Ramës.
Tek podiumi i komunikimit për shtyp të ish-SHQUP-it, sot Partia Demokratie, doli një maturante e cila iu drejtua Ramës me pyetjen dilematike se përse ai nuk e arreston Elvis Roshin, pra kryebashkiakun e Kavajës, mbi të cilin rëndojnë disa akuza si i përfshirë në vepra të ndryshme penale kur nuk qe njeri me pushtet. Vajza e kësaj risie ishte Anilda Sulejmanaj.
“Jam Anilda, 18 vjeç. Dua të pyes sot Edi Ramën, pse nuk e shkarkon Elvis Rroshin nga Kryetar Bashkie? Nuk i mjafton Edi Ramës ajo që Elvis Rroshi ka bërë? Nuk i mjafton dënimi nga drejtësia europiane për përdhunim dhe trafik droge? A e ka menduar Edi Rama se duke mbrojtur Elvis Rroshin po inkurajon dhunuesit e grave dhe të fëmijëve? A e ka menduar Edi Rama se duke mbrojtur Elvis Rroshin po inkurajon drogën dhe trafikantët? Çfarë tjetër duhet të ndodhë që kryeministri të mbajë një qëndrim?”, tha maturantja.
Siç mund të nuhatet, kjo do jetë një formë e re e komunikimit me publikun nga ana e PD-së, ku përfasues nga sfera të ndryshme shoqërore do dalin të bëjnë denoncuesin e qeverisjes së Edi Ramës. /tesheshi.com/
