Opozita ka gjetur njerëz me “njollë në biografi” tek kandidaturat e pëzgjedhura me short për anëtarë të KLGJ dhe KLP. Gazmend Bardhi nga departamnti i drejtësisë në PD, tha se katër emra të përzgjedhur janë në kundërshtim me ligjin e në shkelje të rekomandimeve të ONM-së, ku prej tyre ka si ish-të dënuar e si ish-bashkëpunëtorë të sigurimit të shtetit.
Ata janë:
–Kandati i përzgjedhur nga radhët e Shoqërisë Civile për anëtarë të KLGJ, Altin Hazizaj, ka bërë deklarim të rremë për dëshminë e penalitetit. Është dënuar dy herë me vendim të formës së prerë për kryerjen e veprës penale. Kjo përbën pengesë për emërimin e një kandidati në KLGJ. Prokuroria ka konkluduar se Hazizaj përfshihet në fushën e ligjit për dekriminalizimin. Ai duhet të ishte skualifikuar nga gara që në fazën e parë të procesit.
– Kandidati i përzgjedhur nga radhët e Avokatisë për anëtar të KLGJ, Sokol Lamaj, nuk ka paguar detyrimet tatimore por është subjekt i masave administrative.
-Kandidati i përzgjedhur nga trupa e Pedagogëve për anëtarë të KLGJ, Ilir Panda. Sipas opinionit të dhënë nga ONM me 25 tetor 2017 ka konstatuar se ka qenë i angazhuar politikisht në nivele shumë të larta në të kaluarën.
– Kandidati i përzgjedhur nga trupa e avokatëve për anëtar të KLP, Kozma Jano. Ligji parashikon që kandidatët nuk duhet të kenë qenë bashkëpunëtorë të ish-Sigurimit të Shtetit. Jano ka qenë bashkëpunëtor i Sugurimit të Shtetit me pseudonimin ‘telefoni”. Gjithashtu Kozma Jano ka qenë kryetar i Partisë Komuniste për degën Lushnje.
– Kandidati i përzgjedhur nga Shoqëria Civile për anëtar të KLP, Alfred Balla. ONM ka konstatuar se ky kanddat nuk plotëson kriteret ligjore, nuk është i angazhuar në 5 vitet e fundit në shoqërinë civile. Po ashtu platforma e paraqitur nga ky kandidat është plagjiaturë e një platforme të paraqitur nga një kandidat tjetër i skualifikuar më parë. /tesheshi.com/
