Kryeministri Rama është rrekur dhe njëherë të sqarojë opozitën se jo ai, jo qeveria, por specialistët e linjës janë ata të cilët vendosin për testet.
A mundet dikush t’ia thotë PD se qeveria nuk vendos sa teste bëhen a nuk bëhen?! Aq më pak qeveria mund të marrë mendjen e PD-së për këtë punë! Strategjinë e testeve e bën Komiteti Teknik i Ekspertëve dhe PIKË! Qeveria zbaton ato që vendos Komiteti dhe Pikë! PD i’a fut kot. Pikë”, shkroi shefi i qeverisë.
Reagimi erdhi pasi sërish nga selia e PD-së u bë thirrje, jo ndaj specialistëve por ndaj qeverisë, për bërjen e testeve në masë.
“Ne stadin epidemiologjik ku është Shqipëria, për të mos çuar dëm sakrificën e qytetarëve, por edhe stafit shëndetësor, merr peshë të madhe testimi më i zgjeruar”, u tha në një deklaratë nga selia blu.
