Partia Demokratike nuk ka ditë që të mos akuzojë për ndonjë aferë ministrin e Brendshëm Saimir Tahiri, duke e bëra atë shpesh ortak e bashkëpunëtor në afera korruptive apo me grupe kriminale.
Këtë herë ka qenë demokrati Enkeleid Alibeaj, ai që thotë se Tahiri, duke ofruar shërbimin e tij, ka garantuar paprekshmëri për Durim Bamin
“Me ndihmën e shefit të komisariatit, Erjon Ismaili, pjesë e grupit të besuar Shullazi-Tahiri, Bamit i janë ofruar lehtësi. Një nga ushtarët e tij është paraqitur dhe është lejuar ta marrë përsipër ai, përgjegjësinë për armët dhe pajisjet e tjera të paligjshme. Kështu Bami i shpëtoi procedimit, me një ndërhyrje të kontrolluar nga fillimi deri në fund prej Saimir Tahirit. I akuzuari si vrasës me pagesë nga vetë radhët e mazhorancës, i dyshuari për vepra të rënda penale, është një njohje e vjetër e Saimir Tahirit”, – tha Alibeaj.
Si shton se Saimir Tahiri ka ndërmjetësuar e ka kuvenduar me të privatisht në zyrën e Ministrit të Brendshëm, në plazhe e rezidenca qeveritare. /tesheshi.com/
