PD vendosi t’u rikthehet protestave, kësaj here me kauzën e shtuar të, siç pretendon, të 85 përqind të shqiptarëve që sipas saj refuzuan 30 qershorin.
“Dua të falendëroj nga zemra edhe njëherë mbi 85 përqind të shqiptarëve që refuzuan diktaturën, farsën e Edi Ramës me 30 qershor.
Dua t’i ftoj të gjithë këta qytetarë dinjitozë të Shqipërisë europiane, nëna e baballarë, të rinj e të reja, prindër e bijë nënash shqiptarë, të na bashkohen ditën e hënë në orën 20.00 në një protestë të madhe kombëtare për të qëndruar të bashkuar me mirënjohje të thellë, me besim tek vetvetja dhe tek njëri-tjetri dhe për të vazhduar të vendosur, pa asnjë hap pas betejën tonë për çmontimin e diktaturës, për demokracinë, për Kushtetutën, për lirinë, fëmijët, familjet tuaja dhe të ardhmen e Shqipërisë Europiane.
Të gjithë bashkë ditën e hënë në orën 20.00 në Tiranë”, tha kreu demokrat Basha.
Me këtë hap, PD rivendoset politikisht në përplasje me ndërkombëtarët, pasi nuk mund ta zhbëjë 30 qershorin e diktuar prej tyre. /tesheshi.com/
