Kryeministri Rama është akuzuar nga opozita se ka reduktuar fondet për ish-të përndjekurit politikë. Deputeti Alibeaj, i ardhur nga kjo shtresë, tha se dhe në këtë rast, vepron ajo që e quajti aferë korruptive e shefit të qeverisë me PPP-të dhe koncensionet.
“Edi Rama godet sërisht ish-të përndjekurit politikë dhe të dënuarit nga komunizmi, duke reduktuar fondin për dëmshpërblimet dhe duke i vënë këto para në dispozicion të koncensioneve korruptive dhe PPP-ve që u jep familjarët dhe miqtë e tij. Për të realizuar këtë skemë që ndëshkon sërish këtë shtresë të masakruar nga shteti i partisë së tij, qeveria Rama ka propozuar së fundmi ndryshime në ligjin e të përndjekurve politikë, duke sjellë regres të madh për procesin e dëmshpërblimit financiar të tyre”, theksoi Alibeaj.
Nga ana tjetër, mazhoranca socialiste pretendon se është ajo që po i jep përfundimisht zgjidhje, sagës së dëmshpërblimeve për ish-të përndjekurit. /tesheshi.com/
